Ստենոկարդիան կանանց մոտ. armeniamedicalcenter.am

Կանանց մոտ ստենոկարդիայի ախտանիշները հնարավոր է տարբերվեն դասական ստենոկարդիայի ախտանիշներից: Այդ տարբերությունները կարող են խանգարել ախտորոշման և բուժման համար բժշկին դիմելու գործընթացին:

Թեև կրծքավանդակում ցավը ստենոկարդիայով տառապող կանանց մոտ տարածված ախտանիշ է, սակայն այն կարող է միակ կամ ամենաարտահայտված ախտանիշը չլինել:

Կանանց մոտ կարող են ի հայտ գալ այնպիսի ախտանիշներ, ինչպիսիք են.

• սրտխառնոցը,
• հևոցը,
• որովայնում` ցավը,
• տհաճ զգացողություն` պարանոցում, ծնոտներում կամ մեջքին,
• ծակող ցավ և ճնշման զգացողություն` կրծքավանդակում:

Կանանց մոտ նաև հաճախ են լինում էլեկտրասրտագրության ոչ սպեցիֆիկ փոփոխություններ:

Այդպիսի իրավիճակում սրտի իշեմիկ հիվանդության ախտորոշման աամենաստույգ միջոցը կանանց մոտ սթրես-էխոսրտագրությունն է, որը թույլ է տալիս ուլտրաձայնային հետազոտման օգնությամբ  բացահայտել սրտի աշխատանքի խանգարումը` ծանրաբեռնվածության ժամանակ:

Հարցեր, պատասխաններ, մեկնաբանություններ